Alakólde dýatlonnan respýblıkalyq jarys ótedi
ALMATY. QazAqparat - 18 shilde kúni Almaty oblysy Alakól aýdanynyń Aqshı aýylynda dýatlonnan «Alakól-2018» respýblıkalyq jarysy ótedi, dep habarlaıdy QazAqparat QR Mádenıet jáne sport mınıstrliginiń Sport isteri jáne dene shynyqtyrý komıtetine silteme jasap.
Jarysty Qazaqstan Respýblıkasynyń Mádenıet jáne sport mınıstrligi men Almaty oblysynyń ákimdigi uıymdastyryp otyr. Dýatlon jarystary salaýatty ómir saltyn nasıhattaý, dene shynyqtyrý men buqaralyq sportty odan ári damytý, sondaı-aq ishki týrızmdi damytý maqsattaryn kózdeıdi.
Jarystar sporttyń eki túrinen ótedi: qatysýshylar 5 shaqyrymǵa júgirip, 10 shaqyrymǵa velosıpedpen jarysady. Jalpy qashyqtyq - 15 km.
Sharaǵa QR mádenıet jáne sport mınıstri Arystanbek Muhamedıuly jáne belgili qazaqstandyq sportshylar qatysady.
