Alakólde demalýǵa barǵandar tóbelesti
TALDYQORǴAN. QazAqparat - Almaty oblysynyń Alakól jaǵalaýynda demalýshylar jappaı tóbelesti. Janjal Aqshı aýylyndaǵy dámhananyń birinde bolǵan, dep habarlaıdy QazAqparat tilshisi.
Almaty oblystyq Polıtsııa departamenti baspasóz qyzmetiniń málimetinshe, oqıǵa tamyzdyń 15-nen 16 qaraǵan túni Alakólde demalýshylar kóp keletin «Aýra bar» dep atalatyn jerde bolǵan.
«Qazir atalǵan fakti Qylmystyq kodekstiń 293-baby ıaǵnı, buzaqylyq boıynsha qylmystyq is qozǵaldy. Qazir janjaldy shyǵarǵandardy anyqtaý, izdeý júrgizilip jatyr. Aıta ketý kerek, toptasyp tóbelesý faktisi boıynsha kýágerler ne bolmasa zardap shekkender ázirge polıtsııaǵa habarlaspady», - dep málimdedi atalǵan vedomstvonyń baspasóz qyzmetinen.
Polıtsııanyń aqparatyna sáıkes, dámhana ákimshiligi buzaqylarǵa qatysty aryz jazǵan. Tergeý júrip jatyr.
