Alakólde demalǵan týrısterdiń eshqaısysy koronavırýspen aýyrǵan joq – Amandyq Batalov

NUR-SULTAN. QazAqparat – Almaty oblysynyń ákimi Amandyq Batalov Alakóldegi týrıster demalysy qalaı uıymdastyrylatynyn aıtyp berdi, dep habarlaıdy QazAqparat.

«Ózderińiz bilesizder, ótken jyly da biz PTR anyqtamasyn talap etpeý týraly batyl sheshim men jaýapkershilikti moıynǵa alǵan edik. Men arnaıy qyzyǵýshylyq tanytyp, surastyryp kórdim. Árdaıym maqtanyshpen aıtamyn: qazaqtar osy aýa men sýdy «qasıetti» deıdi. Onda demalǵan birde-bir adam aýyrmaǵan. Ony qujat túrinde de dáleldeı alamyn», - dedi A. Batalov QR Prezıdenti janyndaǵy Ortalyq kommýnıkatsııalar qyzmetinde ótken baspasóz máslıhatynda.

Bıyl Alakóldegi demalys «Ashyq» jobasy aıasynda uıymdastyrylady.

«Ashyq» baǵdarlamasy óte jaqsy jumys isteıdi. PTR anyqtamasyn talap etýdiń ne qajeti bar? Bul qosymsha demalys úılerinde, áýejaıda, barlyq jerde ornatylady. Ondaǵy atmosferanyń ózi de paıdaly. Ózim jumysqa shyqqan kezde ókpemniń 32% zaqymdanǵan edi. Jol máselesi boıynsha Premer-mınıstrmen kezdesýge aldyn-ala kelip, jarty kún boıy osy aýamen tynystadym, ókpem ashyldy. Jaǵdaıym jaqsaryp qaldy. Sondyqtan bárińiz Alakólge kelińizder», - dedi Amandyq Batalov qazaqstandyqtarǵa.