Alakólde demalatyn týrısterdiń qaýipsizdigi «Ashyq» jobasy arqyly qamtamasyz etiledi
Bul týraly QazAqparat QR Densaýlyq saqtaý mınıstrligi Sanıtarlyq-epıdemıologııalyq baqylaý komıtetiniń baspasóz qyzmetine silteme jasap.
Qyzmetkerler men demalýshy týrısterdiń qaýipsizdigi men Alakól kóliniń jaǵalaýynda koronavırýs ınfektsııasynyń taralýyn barynsha azaıtý kásipkerlik sýbektileriniń «erikti» qatysýshylar formatynda «Ashyq» jobasyn engizýi arqyly qamtamasyz etiledi. Munymen qosa, demalys aımaǵynda kúsheıtilgen sanıtarııalyq-dezınfektsııalyq rejım, termometrııa, betperde kııý tártibi jáne áleýmettik qashyqtyq saqtalatyn bolady.
Kásipkerler nemese kelýshilerdi demalys jáne turý oryndarynda ornalastyrýǵa jaýapty tulǵalarǵa, sondaı-aq kóldiń týrıstik-rekreatsııalyq aımaǵynda ornalasqan qyzmet kórsetýshi ózge de obektilerge qonystanatyn demalýshylardyń «jasyl» jáne «kók» statýsyn QR-kod nemese JSN arqyly teksergen kezde ǵana jumys isteýge ruqsat etilgen.
Shetel azamattarynyń statýsyn tekserý úı-jaıǵa kirýdi baqylaıtyn qyzmetkerdiń «Ashyq» qosymshasyna pasport nómirin engizý arqyly júzege asyrylady.
Kelýshiler berilgen kúninen úsh táýlikten aspaıtyn, teris nátıjesi bar PTR ádisimen júrgizilgen zerthanalyq tekserý týraly qujatty (erip júrýshilerde anyqtama bolǵan kezde 5 jasqa deıingi balalardy qospaǵanda) nemese koronavırýs ınfektsııasyna qarsy vaktsınalaýdyń tolyq kýrsyn alǵanyn rastaıtyn qujatty usynǵan kezde, olar týrıstik-rekreatsııalyq aımaq obektilerine óz statýsyn teksermeı kire alady. Sonymen qatar, eńbekke ýaqytsha jaramsyzdyǵyn rastaıtyn qujatty usynǵan azamattardyń demalys aımaǵyna statýsyn teksermeı kirýine ruqsat beriledi.
«Sary» jáne qyzyl» statýsy bar jeke tulǵalarǵa Alakól kóliniń týrıstik-rekreatsııalyq aımaǵyna kelýge tyıym salynady.
Shyǵys Qazaqstan oblysynyń Bas memlekettik sanıtarııalyq dárigeriniń «Shyǵys Qazaqstan oblysynyń Buqtyrma sý qoımasynyń, «Alakól» kóliniń jáne «Rahman qaınarlary» sanatorııiniń týrıstik-rekreatsııalyq aımaqtarynda COVID-19 koronavırýstyq ınfektsııa aýrýynyń ákelinýi men taralýynyń aldyn alý jónindegi sharalar týraly» 23 mamyrdaǵy qaýlysyna sáıkes, Alakól kóliniń jaǵalaýyna keletin azamattar úshin PTR ádisimen COVID-19-ǵa mindetti zerthanalyq tekserý júrgizý jáne onyń nátıjelerin usyný talaby qoıylmaıdy.
Aıta keteıik, «Ashyq» jobasyna qatysatyn tasymaldaýshylardy qospaǵanda, oblysaralyq jáne qalalyq turaqty emes (týrıstik) tasymaldar belgili bir shekteýlermen júzege asyrylmaq.
