Alakólde «Báıteregi» bar «Astana» saıabaǵy ashyldy
TALDYQORǴAN. QazAqparat - Alakól aýdanynyń ortalyǵy Úsharal qalasynda «Astana» saıabaǵy ashyldy. Jańa demalys orny Prezıdenttiń «Bolashaqqa baǵdar: rýhanı jańǵyrý» maqalasy aıasynda halyqtyń ıgiligine berildi, dep habarlaıdy QazAqparat tilshisi.
Elordanyń 20 jyldyq mereıtoıyna tartý bolǵan saıabaqtyń aýmaǵy 7 gektarǵa jýyq. 347 mln teńge jumsalǵan orynda demalýshylar úshin barlyq jaǵdaı jasalǵan. Saıabaq elordanyń bir bóligi ispettes.
Alakólge demalýǵa kelgen týrıster Saryarqa tórindegi «Báıterektiń» kóshirmesin Úsharal qalasynan da kóre alady.
«Astana» saıabaǵynyń ashylýyna 5 myńnan asa halyq qatysty. Jınalǵan qaýymǵa Mádına Sádýaqasova bastaǵan estrada juldyzdary ánnen shashý shashty.
Saltanatty keshte Alakól aýdanynyń áleýmettik-ekonomıkalyq damýyna atsalysqan isker azamattar alǵys hattarmen marapattaldy.
