Alakólde alysqa júzip ketken er adam jaǵaǵa jete almaı qalǵan
ÓSKEMEN. QazAqparat - Shyǵys Qazaqstan oblysy Úrjar aýdanyndaǵy Alakólde alysqa júzip ketip jaǵaǵa jete almaı qalǵan er adamǵa qutqarýshylar kómekke keldi, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, oqıǵa 12 tamyzda saǵat 16.36-da bolǵan.
«Alakólde jedel qutqarý jasaǵynyń qyzmetkerleri patrýldeý kezinde jaǵadan 50 metr qashyqta er adamnyń kómek surap aıqaılaǵanyn estıdi. Qutqarýshylar oǵan qaraı jedel kelip jetip, rezeńke ballondy laqtyrǵan. Sodan keıin azamatty qaıyqqa kóterip, jaǵalaýǵa aman-esen jetkizdi. Demalýshyǵa medıtsınalyq kómek qajet bolmady», - dep habarlady vedomstvo ókilderi.
Osy rette, TJD mamandary óńir jurtshylyǵyna sýda qaýipsizdik sharasyn saqtaý qajettigin eskertedi.
