Alakólde 20-ǵa jýyq BAQ ókilderi men blogerler bas qosty
«Sharaǵa belgili blogerler, baspasóz hatshylary men respýblıkalyq, óńirlik BAQ ókilderi, aqparat salasynyń belsendi tulǵalary qatysýda. Aqparat salasynyń mamandary Elbasynyń «Bolashaqqa baǵdar: Rýhanı jańǵyrý» maqalasynda aıtylǵan baǵyttaryn nasıhattaýda qandaı jańa aqparattyq quraldardy qoldaný kerektigi jóninde de ózara pikir almasady. Jalpy sharaǵa 20 adam qatysyp jatyr», - dedi oblystyq óńirlik kommýnıkatsııalar qyzmeti dırektorynyń orynbasary Janna Arynbekova.
Basqosýdy Almaty oblystyq Іshki saıasat basqarmasy Elbasynyń «Bolashaqqa baǵdar: Rýhanı jańǵyrý» atty baǵdarlamalyq maqalasy aıasynda uıymdastyryp otyr. Jıynda Telegram-nyń negizgi artyqshylyqtary, trendteri jóninde qazaqstandyq saıasattanýshy, belgili bloger Erbol Edilov master-klass ótkizýde.
Aıta ketý kerek, bul shara alǵash ret uıymdastyrylǵanda Almaty oblysy ákiminiń orynbasary Jaqsylyq Omar arnaıy kelip, ıgi bastamanyń negizgi maqsattarynyń biri - aıdyndy Alakóldi ózge óńirlerdiń turǵyndaryna kórsetý, nasıhattaý ekendigin atap ótken edi. Sebebi sharaǵa Atyraý, Astana, Almaty qalalarynan da blogerler kelgen bolatyn.
Sondaı-aq biliktilikti arttyrýǵa arnalǵan jıynǵa belgili saıasattanýshy Aıdos Sarym qatysyp, master-klass ótkizgen.
