Alakólde 14 adam, onyń ishinde 8 bala qutqaryldy

SEMEI. KAZINFORM –  Abaı oblysy TJD qutqarýshylary patrýldeý barysynda jaǵalaýdan 20 km qashyqtyqtaǵy aralda qalyp qoıǵan 14 adamdy, onyń ishinde 8 balany evakýatsııalady. Bul týraly TJM baspasóz qyzmeti habarlady. 

Qaıyqtyń aqaýlyǵy saldarynan top óz betinshe jaǵaǵa shyǵa almaı jaýyn-shashyn men burshaq astynda qalyp qoıǵan. 

Jedel-qutqarý jasaǵy barlyq zardap shekken adamdardy qurlyqqa sátti jetkizdi. Medıtsınalyq kómek eshkimge qajet bolmady.

— TJM sýǵa shyqpas buryn sý kóliginiń tehnıkalyq jaǵdaıyn muqııat tekserip, qaýipsizdik sharalaryn saqtaý qajettigin eske salady, — delingen TJM habarlamasynda.

Aıta ketelik jaz shyqqaly beri Alakól jaǵasynda 120-dan astam bala joǵalǵan.