Alakól jaǵasynda birneshe demalys bazasy órtenip jatyr
«4 shilde kúni 23:20-da Úrjar aýdanyndaǵy Alakól jaǵasyndaǵy demalys bazasynda órt shyqty. Qatty jeldiń kesirinen qyzyl jalyn qas pen kózdiń arasynda kórshi bazany sharpyp úlgerdi. Aldyn ala málimet boıynsha, 1000 sharshy metr aýmaq janyp jatyr. Sondaı-aq, qurǵaq shóp te órtenýde», - dep habarlaıdy QR TJM baspasóz qyzmeti.
Áleýmettik jelide Alakóldegi órt túsirilgen vıdeolar jarııalanyp jatyr. Jeli qoldanýshylary demalys ornyndaǵy adamdardyń qaýipsiz jerge shyqqanyn, keıbiri órtti sóndirýge atsalysyp jatqanyn aıtady.
«Abaı oblysy Úrjar aýdanynda Alakóldiń jaǵasyndaǵy demalys bazalarynda órt shyqty. Týra Arbattyń ortasyndaǵy Aıgerim, Álıhan, Jumaǵazy, Kerýen degen demalys bazalary janyp ketti. Biz de kómektestik. Órt sóndirýshiler keldi. Bári jabylyp óshirdi. Bazalar irkes-tirkes salynǵan ǵoı. Birtalaı úı otqa orandy. Adamdardyń bári qaýipsiz jerge qaraı qashyp shyqqan. Búkil bazada jaryq joq, Alakóldiń aınalasynda dalada otyrmyz», - dep habarlaıdy Qazaqstannyń shyǵys óńirindegi týrızmdi damytýǵa atsalysyp júrgen azamat, jýrnalıst Daryn Nursapar.
