Alakól jaǵalaýyndaǵy órtke baılanysty sotqa deıingi tergeý bastaldy
SEMEI. QazAqparat – Abaı oblysy Úrjar aýdanynda Alakól jaǵalaýyndaǵy órtke baılanysty sotqa deıingi tergeý amaldary bastaldy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 4 shilde kúni 23:20-da Úrjar aýdanynda Alakól jaǵasyndaǵy «Kerýen» demalys bazasynan órt shyqqan. Atalǵan bazadaǵy eki ǵımarat, bir kir jýatyn oryn men jeti saıajaı otqa orandy.
«Sondaı-aq, tilsiz jaý «Áıgerim» demalys bazasynda – 4 úıdi, «Jibek joly» bazasynyń aýmaǵynda – úı men monshany, «Álıhan» bazasynda – 8 ǵımarat pen ashanany sharpydy. Órttiń neden shyqqany áli belgisiz. Mamandar órttiń sebebin anyqtaý úshin tıisti jumystarǵa kiristi», - delingen aqparatta.
Qazirgi ýaqytta Alakóldegi alapat órtke qatysty sotqa deıingi tergeý amaldary bastaldy.
Esterińizge sala keteıik, osyǵan deıin Alakól jaǵalaýyndaǵy 3 myń sharshy metrge jaıylǵan órtten 7 adam zardap shekkenin habarlaǵan bolatynbyz.
Foto: instagram.com/shygysqaz_tjd
