Alakól jaǵalaýynda jaz bastalǵaly beri 1200-den astam quqyq buzýshylyq tirkeldi

ÓSKEMEN. QazAqparat – Shyǵys Qazaqstan oblysyndaǵy Alakól jaǵalaýynda jaz bastalǵaly beri 1200-den astam quqyq buzýshylyq tirkeldi, dep habarlaıdy QazAqparat tilshisi.

Maýsym aıynan bastap Alakól jaǵalaýyna qoǵamdyq tártipti kúzetý maqsatynda 50 polıtsııa qyzmetkeri tartylǵan. Olar táýlik boıy kólde demalýshylar men týrısterdiń qaýipsizdigin qamtamasyz etip, jaǵalaýdy patrýldeıdi.

Osy ýaqytqa deıin tártip saqshylary Alakól jaǵalaýynda 1200-den astam quqyq buzýshylyqty anyqtady. Onyń 820-y jol qaýipsizdigi erejelerin buzý bolsa, 347-si qoǵamdyq tártipti buzý faktileri.

«Azamattardyń sýdy ortaq paıdalaný erejelerin saqtaýlaryna da erekshe kóńil bólinedi. Halyq kóp shomylatyn oryndarda kishi kólemdegi júzetin quraldarmen júrgen 45 adam ákimshilik jaýapkershilikke tartyldy», - dedi ShQO PD jergilikti polıtsııa qyzmeti basqarmasynyń bastyǵy Talǵat Nurıev.