Alakól jaǵalaýyna radondy sý keletin qubyr tartylýy múmkin
ÓSKEMEN. QazAqparat - Ystyq radondy sý keletin qubyrdyń qurylysy Alakóldegi demalys maýsymdylyǵyna ózgeris engizýi múmkin, dep habarlaıdy «QazAqparat» HAA.
ShQO ákimi Danıal Ahmetov qadaǵalaý organdaryna sanatorlyq-kýrorttyq mekemelerde em alýshylarǵa emdik mıneraldy sýlardy usyný boıynsha Aýstrııanyń tájirıbesin zerdeleýdi tapsyrdy.
«Eger emdik ystyq sýdy qaınar kózden tikeleı jaǵalaýǵa jetkize alsaq, kelýshiler úshin demalystyń múlde basqasha túrin usynǵan bolar edik. Tıisinshe, bul máseleni erekshe baqylaýǵa alý kerek. Eń aldymen, mundaı sýdy halyqaralyq deńgeıde salynǵan jaǵalaýdaǵy qonaqúılerdiń aýmaǵyna jetkizý kerek», - dedi Danıal Ahmetov.
