Alakól jaǵalaýyna kontsert alańy salynady
ÓSKEMEN. QazAqparat – Shyǵys Qazaqstan oblysyndaǵy Alakól jaǵalaýynda eki iri ınvestıtsııalyq joba júzege asyrylady, dep habarlaıdy QazAqparat tilshisi.
ShQO Týrızm jáne syrtqy baılanystar basqarmasy basshysynyń orynbasary Inara Bodýkovanyń aıtýynsha, birinshi joba aıasynda tórt juldyzdy qonaqúı boı kótermek. Qazirgi ýaqytta onyń qurylys jumystary bastalyp ta ketken. Týrıstik obektide demalýshylarǵa qajetti barlyq jaǵdaı jasalady. Sondaı-aq onda basseın men barlarǵa arnalǵan oıyn alańy salynady.
«Ekinshi joba – ashyq aspan astyndaǵy sahna jáne bı alańy. Osylaısha jaǵalaýda 3,5 myń adamdy qamtıtyn kontsert alańy bolady. Ol ıÝrmala qalasynyń úlgisimen salynbaq. Munda aýqymdy sharalar ótkiziledi dep josparlap otyrmyz», - deıdi Inara Bodýkova.
Aıta keteıik, atalmysh jobalar aıasynda ınvestorlarǵa memleket tarapynan qoldaý kórsetilgen.
