Alakól tabıǵı parkinde jarylystan 1 adam qaza taýyp, jeteýi jaraqattandy
TALDYQORǴAN. QazAqparat - Alakól memlekettik ulttyq tabıǵı parkinde jarylys bolyp, bir adam qaza tapty jáne jeteýi jaraqat aldy, dep habarlaıdy QazAqparat QR ІІM Tótenshe jaǵdaılar komıtetiniń baspasóz qyzmetine silteme jasap.
«10 sáýirde saǵat 15:00 shamasynda Almaty oblysy Úsharal qalasynda Alakól memlekettik ulttyq tabıǵı parki ákimshiliginiń aýmaǵynda avtotsısterna sorǵyshyna jóndeý jumystaryn júrgizý kezinde jarylys boldy. Sonyń saldarynan Alakól aýdandyq aýrýhanasyna túrli jaraqat alǵan 8 jumysker jetkizildi. Olardyń bireýi alǵan jaraqaty saldarynan kóz jumdy», - delingen QR TJK baspasóz qyzmetiniń habarlamasynda.
Qazirgi tańda jarylystyń neden bolǵany anyqtalyp jatyr.
