Alakól men Qapshaǵaıdaǵy qaýipsizdikti jasandy ıntellekt baqylaıdy — TJM
ASTANA. KAZINFORM — Qazaqstannyń birqatar sý aıdynynda qaýipsizdikti qamtamasyz etý úshin jasandy ıntellekt elementteri bar beınebaqylaý júıeleri kezeń-kezeńimen engizilip jatyr.
Bul jóninde OKQ ótken baspasóz májilisinde QR Tótenshe jaǵdaılar mınıstrligi Tótenshe jaǵdaılardyń aldyn alý komıteti tóraǵasynyń orynbasary Áset Jylqaıdarov aıtty.
Spıkerdiń aıtýynsha, jańa júıeler jaǵalaý aımaqtaryndaǵy qaýipsizdikti kúsheıtý jáne tótenshe jaǵdaılardyń aldyn alý maqsatynda ornatylyp jatyr.
— Atalǵan júıeler Alakól kólinde, Qapshaǵaı sý qoımasynda jáne Almaty qalasynyń sý aıdyndarynda ornatyldy, — dedi tóraǵa orynbasary.
Mınıstrlik ókiliniń sózinshe, beınebaqylaý júıeleri sý aıdyndaryndaǵy jaǵdaıdy baqylaýǵa, qaýipti áreketterdi der kezinde anyqtaýǵa jáne qutqarý qyzmetteriniń jedel áreket etýine múmkindik beredi.
Eske salaıyq, sý aıdyndarynda sońǵy eki jylda 9 qutqarý stantsııasy salyndy.
