Alakól mańynda kólik apatynan eki adam mert boldy

TALDYQORǴAN. QazAqparat - Jetisý oblysyndaǵy Alakól aýdanynda kólik apatynan eki adam mert boldy, - dep habarlaıdy QazAqparat tilshisi.

«19 maýsym kúni Alakól aýdanynyń Aqtúbek aýylynyń mańynda kólik apaty boldy. Beskól-Jaıpaq jolynyń 15- shaqyrymynda «Toyota Avensis» kóliginiń 26 jastaǵy júrgizýshi rólge ıe bola almaı, aýdarylǵan. Sonyń saldarynan kólik júrgizýshi men jolaýshy mert boldy. Kólik júrgizýshisi jergilikti turǵyn»,- delingen oblystyq Polıtsııa departamenti baspasóz qyzmetiniń habarlamasynda.

Vedomstvonyń aqparatyna sáıkes, taǵy 28 jastaǵy jolaýshy túrli dene jaraqatymen Úsharaldaǵy aýdandyq aýrýhanaǵa túsken. Atalǵan oqıǵa boıynsha QR QK 345 baby 4-shi bóligi boıynsha tergeý bastaldy.