Alakól kóliniń jaǵasynda joǵalǵan balalar tabyldy
«16 shilde kúni keshke qaraı Alakól kóliniń jaǵalaýyn kúndelikti patrýldeý barysynda Alakól óńiriniń jedel-qutqarý jasaǵynyń qutqarýshylaryna 2017 jyly týǵan, Jetisý oblysy Alakól aýdany Aqshı aýylynda ata-anasymen demalysta júrgen eki otbasynyń balalary joǵalǵandyǵy jóninde habarlama tústi. Ul men qyz bala ata-anasynyń kóz aldynda oınap otyryp, joq bolyp ketken. Іzdeýge alty qutqarýshy men 3 júzý quraly jumyldyryldy. Balalar ata-analary ornalasqan orynnan shamamen 1 shaqyrym qashyqtyqta, ártúrli jerlerden aman-esen tabyldy. Medıtsınalyq kómek olarǵa qajet bolmady»,- delingen oblystyq Tótenshe jaǵdaılar departamentiniń baspasóz qyzmeti taratqan habarlamada.
Balalardyń ata-analarymen sýdaǵy qaýipsizdik erejeleri jáne sý mańynda kámeletke tolmaǵan balalarǵa únemi nazar aýdarý qajettiligi týraly túsindirme jumystary júrgizildi.
Oblystyń TJD azamattardy sýǵa shomylý maýsymynda barlyq qaýipsizdik sharalaryn saqtaýǵa shaqyrady.
