Alakól demalys aımaǵyna týrıster aǵyltý úshin jaǵdaılar jasalady - IDM
ASTANA. QazAqparat - Investıtsııalar jáne damý mınıstrligi Almaty oblysyndaǵy Alkól demalys aımaǵyna týrıster aǵynyn arttyrý úshin jańa marshrýttar ashýdy qolǵa almaq. Atap aıtqanda, Bul týraly búgin baspasóz máslıhatynda Investıtsııalar jáne damý mınıstrliginiń resmı ókili Qaısar Jumabaıuly málim etti.
Resmı ókildiń aıtýynsha, Alakól demalys aımaǵynda qazirgi kúni jańa qonaq úıler, demalys oryndary sekildi nysanda salý qolǵa alynǵan. «Sonymen qatar, týrıster úshin jaıly ári qaýipsizdikti qamtamasyz etý maqsatynda Úsharal qalasynyń aerodromyna ushýlar jıiligin qalpyna keltirý qajettiligi týyndady. Bul rette Investıtsııalar jáne damý mınıstrligi men Qorǵanys mınıstrliginiń Úsharal qalasynyń áskerı aerodromyn birlese paıdalaný týraly buıryǵy da qabyldanǵan. ıAǵnı, atalmysh áskerı aerodrom azamattyq avıatsııa úshin de qoldanylady», - dedi Q. Jumabaıuly.
Onyń aıtýyna qaraǵanda, qazirgi kúni Úsharal qalasynda áýejaı qurylysyna qatysty jobalyq-smetalyq qujattar daıyndaý aıaqtalǵan.
