Alakól aýdanyndaǵy selfı: eki adam mert boldy, úshinshisiniń jaǵdaıy ortasha aýyr
TALDYQORǴAN.QazAqparat – Almaty oblysynyń Alakól aýdanynda aýrýhanaǵa jetkizilgen 15 jastaǵy jasóspirimniń jaǵdaıy ortasha aýyr, - dep habarlaıdy QazAqparat tilshisi.
«Balanyń oń jaq aıaǵyna birden operatsııa jasaldy. Qazir naýqastyń jaǵdaıy ortasha aýyr. Travmatologııa bóliminde emin alyp jatyr», - dedi Alakól aýdandyq aýrýhanasynyń travmatologııa bóliminiń meńgerýshisi Jandos Sadyqov.
Esterińizge sala keteıik, 20-tamyz kúni Almaty oblysynda eki jasóspirim eski ǵımaratta selfı jasaımyn dep mert boldy.
Oqıǵa Alakól aýdanyna qarasty Beskól aýylynyń mańynda bolǵan. 15 jáne 16 jastaǵy eki jetkinshek balyq zaýytynyń mańyndaǵy eki qabatty ǵımaratta sýretke túspek bolǵan kezde olardyń ústine betondy plıta qulap ketken.
Oblystyq tótenshe jaǵdaılar departamenti baspasóz qyzmetiniń málimeti boıynsha taǵy bir 15 jastaǵy er balanyń oń aıaǵy synyp, Úsharaldaǵy aýrýhanaǵa jetkizilgen.
Esterińizge sala keteıik, osy aıdyń basynda dál osy aýdanda Alakól jaǵasynda jar qulap, 17 jasar qyzdy topyraq basyp, boıjetken oqıǵa ornynda til tartpaı ketti.
