Jetisý oblysynyń turǵyndary jol boıynda qar barysyn kezdestirgen

TALDYQORǴAN. KAZINFORM - Jetisý oblysynda aýyl turǵyny joldyń ústine shyǵyp ketken qar barysynyń kúshigin vıdeoǵa túsirip alǵan. 

Úshbulaq aýylynyń turǵyny Baýyrjan esimdi azamat kúndiz aýylyna kólikpen kele jatyp, jol boıynan túz taǵysyn kezdestirgen. Kólik ishinde otyryp alandy vıdeoǵa túsirip alǵan azamat adam kózine sırek túsetin ańnyń aldynan shyqqanyn jaqsylyqqa joryǵanyn aıtty.

- Dosym ekeýmiz aýdan ortalyǵy Úsharal qalasynan kele jatqanbyz. Kóktuma- Úshbulaq jolynda Qyzyltal degen jerde aldymyzdan qar barysynyń kúshigi shyqty. Barysty jol boıynan shyǵyp ketkenshe vıdeoǵa túsirip aldyq, - dedi Baýyrjan Tórehanov. 

Eske salaıyq osyǵan deıin Shyǵys Qazaqstanda qar barysynyń fototuzaqqa túsip qalǵanyn jazǵanbyz.