Alakól aýdanynda jolda qalǵan 41 adam qutqaryldy, onyń 28-i sheteldik
TALDYQORǴAN. KAZINFORM- Búgin Úsharal-Dostyq avtojolynyń Yrǵaıty ýchaskesinde qarly boran men qalyń qardyń saldarynan 30 júk kóligi men 1 jeńil kólik qar qursaýynda qalyp qoıǵan. TJM qutqarýshylarynyń kómegimen 41 adam qaýipsiz jerge jetkizildi.
TJM taratqan málimetke súıensek, qar qursaýynda qalǵan jolaýshylarǵa qutqarýshylar kómekke barǵan. Olar jol talǵamaıtyn arnaıy tehnıkalarmen 41 adamdy Kóktuma aýylyna jetkizgen.
Qutqarylǵandardyń arasynda Belarýs Respýblıkasynyń, QHR-dyń, Ázerbaıjan Respýblıkasynyń jáne RF-nyń 28 azamaty bar.
- TJM qys mezgilinde qaýipsizdik erejelerin saqtaý qajettiligi týraly eskertedi, daýyldy eskertýlerge nazar aýdaryńyz jáne aýa-raıy nasharlaǵan jaǵdaıda úıde bolyńyz, - delingen habarlamada.
Eske salaıyq, osyǵan deıin Úsharal - Dostyq avtojolynda kólik qozǵalysy shektelgenin jazǵanbyz.