«Ál-Jazıra» amerıkalyqtarǵa «naǵyz jańalyqtyń» qandaı bolatynyn kórsetýge ýáde berdi
ASTANA. 23 tamyz. QazAqparat - «Ál-Jazıra» telekompanııasynyń jańa arnasy amerıkalyqtarǵa «naǵyz jańalyqty» kórsetýge ýáde etti. Muslim.kz saıtynyń jazýynsha, jańa arna óz jumysyn ózge amerıkalyq telearnalardyń atyna syn aıtýdan bastady.
Onda Amerıkanyń qatardaǵy qarapaıym azamattary búgingi teledıdardyń shynaıylyǵyna kóńilderi tolmaıtynyn jetkizgen. Olardyń aryz-shaǵymy men talap-tilegine jaýap qatqan telejúrgizýshi «Amerıka ál-Jazırasy» arnasynyń «naǵyz jańalyqty» efırden beretinderine sendirdi.
Óz kúsh-jigeri men shyǵarmashylyq qabiletine nyq senimdi jańa quram CNN jáne Fox News sekildi alyptarmen básekelesýge daıyn ekendikterin málimdedi. Katarda ornalasqan «ál-Jazıra» telekompanııasy 1996 jyly qurylǵan bolatyn.
Atalmysh agenttik álem halqyna tanylyp úlgerse de, Ýsama ben Ladendi sóıletip, efırge shyǵarǵany úshin AQSh jurty oǵan qyryn qaraıdy.
