«Ál-Jazıra» AQSh-ta habar taratýdy toqtatady
ASTANA. QazAqparat - Katardyń "Ál-Jazıra" medıakontserni AQSh-taǵy óz kabeldik telearnasyn jabý týraly sheshim qabyldady, dep jazady Bı-bı-sı.
Kompanııa habarlamasynda habar taratý osy jyldyń sáýirinen bastap toqtatylatyny naqtylandy. Muny medıakontsern amerıkalyq telearna naryǵyndaǵy qolaısyz klımatpen túsindirdi.
Úsh jyl ishinde arnanyń amerıkalyq nusqasy jetkilikti aýdıtorııa jınaı almaǵany atap ótiledi.
Bul rette kompanııa AQSh-ta óz qyzmetin tolyqtaı júrgizýge nıetti emes, alaıda sandyq servısterdi damytýdy qolǵa almaq.
«Ál-Jazıranyń» amerıkalyq nusqasy 2013 jyldan bastap jumys istep keledi. Jergilikti BAQ derekterine sáıkes, ol AQSh-tyń 61 mln. halqyna qoljetimdi boldy, alaıda praım-taımdaǵy kóreremender 30 myń adamnan asa qoımady.
