«Ál-Jazıra» 500 jumysshysyn qysqartady
ASTANA. Qatardyń «Ál-Jazıra» kompanııasy 500 jumysshysyn qysqartýdy kózdep otyrǵanyn jarııa etti. Bul týraly Bı-Bı-Sı agenttigi habarlady.
Kompanııa búkil álem boıynsha qyzmetkerlerin qysqartady, ol eń aldymen Qatardaǵy shtab pátıerinen bastalady. «Shara personaldy ońtaılandyrý bastamasy aıasynda júrgizilýde» delingen kompanııa taratqan málimdemede.
Bas dırektordyń mindetin atqarýshy Mostefa Sýaganyń aıtýynsha, sheshimdi qabyldaý ońaıǵa túspegen, alaıda kompanııa «uzaq merzimmen alǵanda bul básekege qabilettilikti qamtamasyz etetin qadam» ekenine senimdi.
«Ál-Jazıra» 1996 jyly qurylǵan. Kompanııany Qatar bıligi qarjylandyrady jáne álemde 70-ten astam bıýrosy bar. Bıyl kompanııa AQSh-taǵy «Ál-Jazıra» jańalyqtar kabeldik arnasyn jabylýyn jarııa etti. Osy jobaǵa qomaqty qarjy jumsalǵan edi.
Kompanııa myqty amerıkalyq jýrnalısterdi jaldap alý úshin mıllıondaǵan dollar jumsaǵanymen onyń jańalyqtar baǵdarlamalary jetkilikti kórermender tarta almady.
