«Alıanstan» aldanǵandar aıqaı shyǵardy» - respýblıkalyq basylymdarǵa sholý
***
«Egemen Qazaqstan» basylymynyń jazýynsha, keshe Premer-Mınıstr Kárim Másimov elimizge jumys saparymen kelgen Qyrǵyzstan Úkimetiniń basshysy Ómirbek Babanovpen kezdesti. Jeke kezdesýden keıin keńeıtilgen quramdaǵy ekijaqty kelissózder júrgizildi. Taraptar saýda-ekonomıkalyq jáne mádenı-gýmanıtarlyq baılanys salalaryndaǵy Qazaqstan-Qyrǵyzstan qatynastarynyń qazirgi jaǵdaıyn jáne damý perspektıvalaryn talqylady. 2011 jyldyń 11 aıyndaǵy Qazaqstan men Qyrǵyzstan arasyndaǵy saýda aınalymynyń kólemi 669 mıllıon AQSh dollaryn qurady. Bul týraly «Egemen Qazaqstan» basylymynyń búgingi sanyndaǵy «Qarym-qatynas qarqyndy damıdy» atty maqalada jazylǵan.
Osy basylymnyń jazýynsha, keshe Premer-Mınıstr Kárim Másimovtiń tóraǵalyǵymen Úkimettiń selektorlyq rejimdegi otyrysy ótti. Onda Memleket basshysynyń Qazaqstan halqyna arnaǵan bıylǵy Joldaýynda atap kórsetilgen iri ınvestıtsııalyq jobalardy is júzine asyrý jónindegi sharalar qaraldy.Joldaýda basymdyq berilgen ındýstrııalyq-ınnovatsııalyq jobalardy júzege asyrý boıynsha birinshi kezektegi sharalar týraly Indýstrııa jáne jańa tehnologııalar mınıstri Áset Isekeshev baıandama jasady. Birinshi kezekte iske qosylatyn 11 joba tilge tıek etildi. Bul jobalarǵa tartylǵan ınvestıtsııa kólemi 4,5 trıllıon teńgeni quraıdy. El ekonomıkasynyń damýyna jańa qarqyn ákeletin iri ındýstrııalyq-ınnovatsııalyq jobalardy iske qosý arqyly 150 myń qazaqstandyqty turaqty jańa jumys oryndarymen qamtamasyz etý kózdelip otyr. Bul týraly «Egemen Qazaqstan» basylymynyń búgingi sanyndaǵy «Basymdyqty jobalar basty nazarda» atty maqaladan oqyńyzdar.
***
«Aıqyn» basylymynyń búgingi sanynda «Alıanstan» aldanǵandar aıqaı shyǵardy» atty maqala basyldy. Basylymnyń jazýynsha, sońǵy on jyldyń kóleminde nesıe alǵan jambyldyq azamattardyń deni - «Alıans bank» qyzmetine júginip keldi. Tipti, sol kezde «Alıans bank» degendi «altyn balyq» kórip, alǵan nesıeniń qansha paıyzben berilip jatqanynyń da baıybyna barmaı, ońdy-soldy qajetine jarata bergen jurtshylyqqa endi ekonomıkalyq es kirip, «atalmysh bank ústeme paıyzyn joǵary eseptep kelgen», dep daý shyǵaryp jatyr. ıAǵnı, joǵarydaǵy bankten nesıe, alǵan 76 azamat bankti sotqa tartýda. Sot isi kúndelikti qaralyp jatqan dúnıe ǵoı degenmen, keıbir sheshimderdiń ýaqytynda durys shyǵarylǵanyna kúmán týǵyzǵan sot bul isterdiń araǵa bir jyl salyp, durys emestigin aıtyp otyrǵan kórinedi.
Sondaı-aq osy basylymnyń jazýynsha, jańa shaqyrylymdaǵy Májilis minberinen aıtylyp, eldi eleń etkizgen bastamalardyń biri - depýtat Aıtkúl Samaqovanyń orta bilim berý mekemeleri qabyrǵalarynda «Mektep medıtsınasy» kýrsyn engizý jónindegi usynysy boldy. Májilismen bul kýrsta negizinen oqýshy qyzdardyń da, uldardyń da jynystyq tálim-tárbıesine basymdyq berilýi qajettigin qadap aıtty. Samaqovanyń tizip bergen sebepterine qarasaq, májilismen bul qadamǵa májbúrlikten baryp otyrǵan syńaıly. Áıtpese jynystyq tárbıe - qazaq dástúrinde jabyq taqyryp sanalǵan. Áli de solaı. «Mınıstrlik tarapynan erekshe kóńil bólýdi qajet etetin máseleniń biri - jasóspirimderdiń reprodýktıvti densaýlyǵy bolyp tabylady. Statıstıkalyq derekterge súıensek, Qazaqstanda jyl saıyn 15-18 jas aralyǵyndaǵy qyzdar arasynda 8 myń túsik tastaý deregi tirkeledi. Sondaı-aq árbir altynshy qazaqstandyq jup urpaq jalǵastyrý múmkindiginen ada. Bul týraly «Aıqyn» basylymynyń búgingi sanyndaǵy «Májilis pen mekteptiń arasy... ne jaqyndatqanyn qarashy» atty maqaladan oqyńyzdar.
***
«Kazahstanskaıa pravda» basylymynyń jazýynsha, «Nur Otan» partııasynyń Ortalyq apparatynda atalmysh partııa hatshysy Vladımır Bobrovtyń qatysýymen «Eń úzdik qoǵamdyq qabyldaý bólimi» atty respýblıkalyq konkýrsynyń jeńimpazdaryn marapattaý rásimi ótti. Atalmysh shara Qazaqstan Táýelsizdiginiń 20 jyldyǵyna arnaldy. Baıqaýdy ótkizý jónindegi bastama 2010 jyly kóterilgen jáne bul shara qoǵamdyq qabyldaý oryndarynyń ókilderi tarapynan qoldaý tapty jáne qoǵamdyq qabyldaý oryndarynyń qyzmeti birshama jandana tústi dese bolady. Al konkýrstyń jeńispazy kim bolǵandyǵyn «Kazahstanskaıa pravda» basylymynyń búgingi sanyndaǵy «Vajno kajdoe obraşenıe» atty maqaladan oqısyzdar.
