«Alıansqurylysınvest» JShS dırektory kepildikpen qamaýdan bosatyldy
ASTANA. Aqpannyń 3-i. QazAqparat /Marlan Jıembaı/ - Búgin Ekonomıkalyq qylmysqa jáne sybaılas jemqorlyqqa qarsy kúres agenttiginde ótken baspasóz májilisinde vedomstvonyń resmı ókili Murat Jumanbaı «Alıansqurylysınvest» JShS-niń dırektory Rınat Naımanovtyń kepildikpen qamaýdan bosatylǵandyǵyn málim etti.
Onyń aıtýynsha, atalǵan tulǵaǵa qatysty «Lesnaıa polıana» turǵyn úı kesheni úleskerleriniń qarajatyn, senip tapsyrylǵan bótenniń múlkin 3 mıllıard 462 mıllıon teńge kóleminde shyǵyn keltirý arqyly urlaý faktisi boıynsha qylmystyq tergeý isi jalǵasýda.
«Zardap shegýshilerdiń múddesin, úleskerlerdiń ózderiniń ótinishterin jáne Astana qalasy Qurylysshylar qaýymdastyǵynyń aryzdaryn eskere otyryp, sonymen qatar atalǵan nysandardy aıaqtaý úshin Úkimetten qajetti qarajattyń bólinýine baılanysty sot qaýlysymen R.Naımanovqa qatysty shara ózgertildi. Ol kepilge bosatyldy, al is boıynsha tergeý amaldary júrgizilýde», dedi M.Jumanbaı.
