Alıans, BTA jáne Temir bankterdiń bereshegin qaıta qurylymdaýdy óte sátti úlgi deýge bolady - Premer-Mınıstrdiń keńesshisi
ALMATY. Maýsymnyń 3-i. QazAqparat /Erlik Erjanuly/ - Alıans, BTA jáne Temir bankterdiń qaryzdaryn qaıta qurylymdaýdy kredıtorlardyń 90 paıyzdan astamy qoldady. Bul búgin Almatyda ótip jatqan ІV Qazaqstandyq ınvestıtsııalyq sammıtte aıtyldy,
dep habarlaıdy QazAqparat.
«Alıans, BTA jáne Temir bankterdiń qaryzyn qaıta qurylymdaýdy sátti úlgi deýge bolady. Ony «Samuryq-Qazyna» ulttyq ál-aýqat qory banktermen birlesip jasady. Bul BTA bankte 11,5 mıllıard dollar, Alıans bankte 3,5 mıllıard dolar, Temir bankte 1 mıllıard dollarǵa jýyq boldy. Qaıta qurylymdaý kezinde kredıtorlarǵa jańa quraldar berildi», deıdi QR Premer-Mınıstriniń jáne «Samuryq-Qazyna» ulttyq ál-aýqat qorynyń keńesshisi Marsııa Favale-Tartenr. Onyń aıtýynsha, Úkimet bankterge qarjy salý arqyly kredıtorlardan naqty ınvestorǵa aınaldy. Sonyń arqasynda bankter irilene tústi.
