Alvarestiń jattyqtyrýshysy Golovkınmen bolatyn jekpe-jekke daıyndyq týraly aıtty

ASTANA. QazAqparat - Meksıkalyq boksshy Saýl Alvarestiń jattyqtyrýshysy Eddı Reınoso 16 qyrkúıekke josparlanǵan Gennadıı Golovkınmen bolatyn jekpe-jekke shákirtiniń daıyndyǵy týraly keıbir qupııalarymen bólisti, dep jazady Sports.kz.

Qazirgi kezde «Kanelo» óziniń týǵan ólkesi Gvadalaharda jattyǵýyn jalǵastyryp jatyr. Bul aralyqta komanda press-týr merzimi men basqa da uıymdastyrýshylyq sharalardy anyqtap, sodan keıin Kalıfornııaǵa oralady.

«Biz jekpe-jekke túrli baǵyttarda daıyndyqty bastap kettik, shilde aıynda Los-Anjeleske baryp, kúzge deıin sol jaqta bolamyz», - deıdi jattyqtyrýshy ESPN Deportes-ke bergen suhbatynda.

Reınosonyń  aıtqan sózine qaraǵanda, olar bul joly sońǵy birneshe jarystardyń aldynda bolǵan San-Dıegodaǵy lagerde qalýǵa nıetti emes.