Alvarestiń sońǵy jekpe-jegi GGG-den jeti ese artyq PPV jınady
ASTANA. QazAqparat - ESPN telearnasynyń kommentatory Den Rafaldiń sózine qaraǵanda, ótken senbi kúni Saýl «Kanelo» Alvares pen Hýlıo Sezar kishi Chavestiń arasyndaǵy jekpe-jegi kezinde, kem degende, 1 mıllıon PPV (pay-per-view - aqyly translıatsııalar) satyldy, dep habardaıdy QazAqparat tilshisi.
«Ázirshe, Kanelo -Alvarestiń jekpe-jegi boıynsha PPV-diń naqty sany resmı túrde jarııalanǵan joq.Alaıda maǵan túsken aqparatqa sáıkes, aqyly translıatsııalardyń sany bir mıllıonnan kem bolmaıdy. Mundaı jekpe-jek úshin bul - jaqsy kórsetkish», - dep jazdy Rafael áleýmettik jelidegi paraqshasynda.
Aıta keteıik, WBA Super, WBC, IBF jáne IBO nusqasy boıynsha orta salmaqtaǵy álem chempıony Gennadıı Golovkın amerıkalyq boksshy Denıel Djeıkobspen ótkizgen sońǵy jekpe-jegi kezinde 170 myń PPVsatylǵan bolatyn. Al ústimizdegi jyly 16 qyrkúıekte Gennadıı Golovkın meksıkalyq Saýl Alvarespen kezdesedi.Olardyń jekpe-jegi orta salmaqta (160 fýnt) ótedi. Golovkın barlyq tórt belbeýin sarapqa salsa, Alvares tek The Ring jýrnalynyń belbeýin shyǵarady. Budan basqa onyń ataǵy joq. Soǵan qaramastan, eki boksshynyń kelisiminde revansh alý múmkindigi tek meksıkalyq boksshyǵa ǵana berilip otyr. Golovkın utylsa, revansh talap ete almaıdy.
