Alvarestiń promoýteri GGG komandasymen kelissózder qalaı ótkendigin aıtyp berdi
ASTANA. QazAqparat - Golden Boy Promotions kompanııasynyń basshysy Oskar De La Hoııa Gennadıı Golovkın men Saýl Alvarestiń aıqasy boıynsha kelissózderdiń keıbir tustaryn aıtyp berdi, dep habarlaıdy Sports.kz.
«Kelissózder týraly egjeı-tegjeıli aıtyp bere almaımyn, sebebi onda jarııalaýǵa bolmaıtyn tarmaqtar bar. Biraq, boksshylardyń kóńilinen shyǵatynyna senimdimin.
GGG men «Kanelo» jekpe-jegi boıynsha kelisim jasaý qıynǵa soqpady. Shynymdy aıtsam, bar bolǵany - birge otyryp, kelisý ǵana qajet boldy. Biz eki nemese úsh ret kezdestik. Kelisim jasastyq, aıqas ótetin boldy. Tek keıbir máselelerdi naqtylap alý qajet edi. Meniń oıymsha, eń qıyny - rıngke birinshi bolyp kimniń shyǵatynyn anyqtaý boldy.
Gennadıı Golovkın óziniń barlyq tórt belbeýin sarapqa salady. Jekpe-jek 160 fýnt salmaq derjesinde ótedi jáne bir gramm da joǵary bolmaýy tıis. Sondaı-aq, olar ózderi daǵdylanyp qalǵan 10 ýntsııalyq qolǵapty qoldanýǵa kelisti. Munyń barlyǵy álem chempıony tıtýly úshin judyryqtasqan burynǵy kezdi eske túsiredi», - dep keltirdi promoýterdiń sózin BoxingScene.com.
