Alvarestiń GGG-ge qarsy daıyndyǵyna qazaqstandyq boksshy kómektesedi
ASTANA. QazAqparat - Qazaqstandyq boksshy Bobırjan Momınov meksıkalyq Saýl Alvarestiń sparrıng-kómekshisi bolady, dep xabarlaıdy QazAqparat tilshisi áleýmettik jelidegi "Qazaqstannyń kásibı boksy" tobyna silteme jasap.
"Erteń Bobırjan Momınov Alvarestiń Kalıfornııadaǵy jattyǵý lagerine attanady. Kásibı boksta Momınov úsh ret jeńiske jetken. Úsheýi de nokaýtpen aıaqtaldy", - delingen xabarlamada.
Aıta keteıik, Golovkın-Alvares jekpe-jegi 16 qyrkúıekte AQSh-tyń Las-Vegas qalasynda ótedi. Qazirdiń ózinde barlyq bıletter satylyp ketken. Ýaqyt aıyrmashylyǵyna baılanysty atalǵan jekpe-jek Qazaqstanda 17 qyrkúıek kúni tańerteń kórsetiledi.
