Alvaresti jeńsem, R4R reıtınginde birinshi bolamyn - Ámir Han
ASTANA. QazAqparat - Brıtandyq akter Ámir Han (31-3, 19 KO) WBC nusqasy boıynsha orta salmaqtaǵy álem chempıony, meksıkalyq Saýl «Kanelo» Alvarespen (46-1-1, 32 KO) aldaǵy jekpe-jekti salmaq dárejesine qaramastan (pound for pound) eń úzdik boksshy retinde atanýdyń tamasha múmkindigi retinde qarastyryp otyr.
Bul týraly BoxingScene.com habarlaıdy.
Olardyń jekpe-jegi 7 mamyr kúni Las-Vegasta ótedi. Bul rette Han Alvarespen kezdesý úshin 155 fýnt aralyq salmaq aıasynda segiz fýntqa kóterildi.
«Meıvezer men Pakıao ketti, sondyqtan bul maǵan pound for pound-dyń úzdik boksshysy atanýǵa birden bir múmkindik. Alvaresti qurmetteý kerek, ol qazirgi kezde birinshi nómirli bolyp otyr. Onyń esimi boks álemindegi bastylarynyń qatarynda. Biraq ony jeńý maǵan jańa deńgeıge shyǵýǵa múmkindik beredi», - dedi Han The Mirror-ǵa.
