Alvareske túrli salmaqtaǵy tıtýldardy bir mezgilde ıelenýge ruqsat berildi

ASTANA. QazAqparat - Dúnıejúzilik boks qaýymdastyǵy (WBA) meksıkalyq boksshy Saýl Alvareske (51-1-2, 34 KO) orta salmaqtaǵy WBA Super jáne ekinshi orta salmaqtaǵy WBA chempıondyq tıtýldaryn bir mezgilde ıelenýge ruqsat berdi, dep habarlaıdy QazAqparat Sports.kz saıtyna silteme jasap.

«Jańa qaýlyǵa sáıkes, WBA Alvaresti orta jáne sýperorta salmaq sanattaryndaǵy álem chempıony dep tanydy. Qyrkúıek aıynda ol Golovkındi jeńip, WBA Super jáne WBC chempıony boldy, al jeltoqsanda WBA-diń ekinshi orta salmaqtaǵy «turaqty» chempıony ataǵy úshin Fıldıngti ońaı jeńdi. Kishi Floıd Meıvezerge qatysty týra osyndaı sheshim qabyldanǵan bolatyn: WBA oǵan ártúrli salmaq sanattaryndaǵy chempıondyq beldikterdi ıelenýge ruqsat berdi», - dep jazady FightNights.com.

Eske salaıyq, Alvares pen qazaqstandyq boksshy Gennadıı Golovkın (38-1-1, 34 KO) arasyndaǵy revansh tóreshilerdiń sheshimimen meksıkalyqtyń paıdasyna aıaqtaldy.

Qazirgi ýaqytta úshinshi aıqasqa qatysty másele qarastyrylýda.