Alvares, sen Golovkınnen qorqasyń! - promorolık
ASTANA.QazAqparat - Kásipqoı bokstyń jankúıerleri Golovkın-Alvares jekpe-jegin kópten beri kútip júr. Atalǵan kezdesý bıyl 16 qyrkúıekte ótedi, dep habarlaıdy QazAqparat tilshisi.
Golovkın - Alvares jekpe-jegine arnalǵan jańa promorolık Hýlıo Sezar kishi Chavestiń sózimen bastalady. «Sen GGG-den qashyp júrsiń. Sol sebepti meni tańdadyń», - deıdi kishi Chaves. Eki meksıkalyq boksshy rıngte kezdesýden buryn arnaıy telebaǵdarlamada debat uıymdastyrǵan bolatyn.
Budan bólek, promorolıkke Gennadıı Golovkın men Davıd Lemeniń suhbaty da endi. «Bul boks, bári qurmetteıtin boks. Saǵan tóbeles kerek pe? Kettik. Seniń kim ekenińdi kórgim keledi. Dál qazir», - deıdi Golovkın dál sondaı bir baǵdarlamada. Jańa promorolıkte Golovkın men Alvarestiń nokaýttarynan bólek GGG-dyń meıramhanada otyryp, óziniń jeıtin tamaǵyn kórsetken bir kadr da bar.
Aıta keteıik, buǵan deıin YouTube-taǵy GOAT Boxing arnasy Gennadıı Golovkın men Saýl «Kanelo» Alvarestiń nokaýtttaryn salystyryp, arnaıy beınerolıkti jarııalaǵan bolatyn. Osydan keıin "Total war", ıaǵnı "Qyrǵyn soǵys" dep atalatyn promorolık shyqqan. Sondaı-aq, Golovkın men Alvaresti mýltıplıkatsııalyq fılmniń keıipkerleri retinde kórsetken . Gizza Sport pen HBO Sports ta óz promorolıkterin jarııalaǵan bolatyn.
