Alvares Golovkınniń ekinshi jekpe-jektegi jeńisin moıyndady

ASTANA. QazAqpart - WBO nusqasy boıynsha jartylaı orta salmaqtaǵy kolýmbııalyq álem chempıony Eleıder Alvares ózimen tegi bir meksıkalyq boksshy Saýl «Kanelo» Alvarestiń Gennadıı Golovkınmen revanshta jeńgenimen kelispeıdi, dep habarlaıdy Sports.kz.

Eske salaıyq, 16 qyrkúıek kúni GGG men «Kanelo» arasyndaǵy qarymta kezdesý ótip, tóreshilerdiń sheshimine sáıkes meksıkalyq boksshy jeńimpaz atanǵan edi.

«Bul joly «Kanelo» áldeqaıda myqty judyryqtasty. Sebebi ol árdaıym alǵa umtylyp turdy. Degenmen Golovkınniń soqqylary dálirek, aıqyn boldy. Sondyqtan men ony jeńimpaz dep sanaımyn. Alaıda boksta mundaı jaǵdaılar bolyp turady», - dedi Boxingscene.com saıtyna bergen suhbatynda Eleıder.