Alvares Golovkınmen revansh qashan ótýi múmkindigin aıtty

ASTANA. QazAqparat - Meksıkalyq boksshy Saýl Alvares bıyl eshbir jekpe-jek ótkizbeıtinin málimdedi.

«Bıyl jyl sońyna deıin demalamyn. Eger revansh bolyp jatsa, ol keler jyldyń mamyr nemese qyrkúıek aılary bolady. Onyń naqty qashan ótetinin aıta almaımyn, bir ǵana naqty biletinim - Kanelonyń dáýiri keldi», - dep atap ótti búgin Golovkınmen aıqasynan keıin ótken baspasóz máslıhatynda Alvares.

Onyń promoýteri Oskar De La Hoııa kelisimniń  revanshqa qatysty shartyn mindetti túrde paıdalanytynyn málimdedi.

Aıta keteıik, búgin AQSh-tyń Las-Vegas qalasynda ótken jekpe-jekte qazaqstandyq boksshy Gennadıı Golovkın men meksıkalyq Saýl Alvaresteń tústi.  Álemge tanymal boksshylar Golovkındi jeńdi dep esepteıdi . Kópshilik jurt 118-110 esebimen jeńisti "Kaneloǵa" berip qoıǵan tóreshi - Adelaıda Berdtiń sheshimine narazy .

Atalmysh jekpe-jekte jeńimpaz anyqtalmaǵanymen, GGG barlyq belbeýlerin (WBA (Super), WBC, IBF jáne IBO tujyrymdary boıynsha) saqtap qaldy. Qazaqstandyq boksshy revansh ótkizýge daıyn ekenin jetkizdi.