Alvares Golovkınmen qarymta jekpe-jek ótkizýge bekinip otyr
ASTANA. QazAqparat - Meksıkalyq boksshy Saýl «Kanelo» Alvares 2018 jyldyń mamyrynda Golovkınge qarsy revansh ótkizýge bekingenin málimdedi, dep habarlaıdy Sports.kz.
Univision.com saıtynda Alvarestiń «Men qazir revanshtan (Golovkınge qarsy) basqa jekpe-jek ótkizýdi qalamaımyn. Bul jekpe-jek 2018 jylǵy meniń alǵashqy jekpe-jegim bolýyn qalaımyn, ony uıymdastyrýǵa tyrysyp baǵamyz. Aıqas nátıjesine tań qaldym, óıtkeni teń túsýdi qalamaǵan edim. Men jeńdim dep oılaǵan edim. Biraq bul boks», - degen sózi jarııalanǵan.
Boksshynyń sózine qaraǵanda, revansh týraly oılanýǵa birinshi jekpe-jek óte jaqsy shyqqanyn aıtqan dosy sebep bolǵan. Budan soń Saýl adamdardyń rematch kórýdi qalaıtynyn túsingen.
GGG - Alvares rematchy keler jyldyń 5 mamyrynda ótýi múmkin.
