Alvares GGG-diń tek eki beldigi úshin ǵana talasady
ASTANA. QazAqparat - 16 qyrkúıek kúni ótetin jekpe-jekte meksıkalyq boksshy Saýl «Kanelo» Alvares GGG-diń tek eki ataǵy - WBA men IBF belbeýleri úshin ǵana talasady. Golovkın utylyp qalsa, onyń taǵy eki belbeýi - WBC men IBO bos qalyp, ony basqa boksshylar ózara sarapqa salady. Al qazaqstandyq boksshy jeńiske jetse, tórt belbeýine taǵy The Ring jýrnalynyń arnaıy belbeýin qosyp alady. Atalǵan basylym ony arnaıy Alvares úshin shyǵarǵan bolatyn, dep xabarlaıdy QazAqparat tilshisi.
Boxingnews24.com saıtynyń jýrnalısi Den Embroýz meksıkalyq boksshynyń tek eki belbeýge talasamyn degen sheshimine qatysty óz pikirin bildirdi. «Kanelo» WBC tıtýlyn jeńip alsa, Búkilálemdik boks keńesi ony birden osy belbeýden úmitker boksshymen judyryqtasýǵa mindetteýi ábden múmkin. Ol úmitker - Djermall Charlo. Ashyǵyn aıtaıyq, Alvares birinshi orta salmaqta júrgende de Charloǵa qarsy shaqpaǵan. Endi, tolyǵymen orta salmaqpen aýysqanda onymen shyǵady dep oılaısyz ba? WBC tıtýly «Kanelonyń» bas aýrýyna aınalady. Sebebi Djermall Charlo sııaqty myqty boksshylarǵa qarsy shyǵýǵa týra keledi», - dep jazdy Embroýz.
Aıta keteıik, ótken demalys kúnderi orta salmaqtaǵy Djermall Charlo (25-0, 19 KO) jáne Horhe Sebastıan Heıland (29-4-2, 16 KO) WBC nusqasy boıynsha qazaqstandyq Gennadıı Golovkın ıelengen chempıondyq ataqtyń mindetti úmitkeri mártebesine talasty. Ol jekpe-jekte Charlo jeńiske jetti.
