Alvares bir ýaqytta eki salmaq dárejesinde chempıon boldy
ASTANA. QazAqparat - Nıý-Iorkte (AQSh) tanymal Madison Square Garden arenasynda WBC/WBA tujyrymdary boıynsha orta salmaqtaǵy álem chempıony meksıkalyq Saýl Alvares (51-1-2, 35 KO) sýper orta salmaqtaǵy WBA chempıony brıtandyq Rokkı Fıldıngty (27-2, 15 KO) op-ońaı jeńdi, dep habarlaıdy «SPORTINFORM» SAA.
Boks bastalardyń aldynda-aq boksshylar arasyndaǵy aıyrmashylyq kórinip turdy. Alǵashqy eki raýndta brıtandyq baýyrynan soqqy alyp, eki ret nokdaýnǵa tústi. Alvares qarsylasynyń álsiz tusyn baıqap, úshinshi raýndta brıtandyqtyń baýyryna shabýyldaı bastady. Taǵy eki ret nokdaýnǵa túsip, aıqas meksıkalyqtyń jeńisimen aıaqtaldy.
