«Alstom» kompanııasy jobalaryn Almatyda júzege asyrýdy josparlap otyr
BRıÝSSELЬ. QazAqparat - Frantsııanyń «Alstom» mashına jasaý kompanııasy eki jobany Almatyda júzege asyrýdy josparlap otyr. Bul týraly Brıýsselde ótken qazaqstandyq-eýropalyq bıznes-forým barysynda sóılegen sózinde Basqarma múshesi Fılıpp Deler málim etti, dep habarlaıdy «QazAqparat» HAA-niń menshikti tilshisi.
«Biz barlyǵymyz birigip kúsh jumyldyrýǵa bolatyn eki joba bar. Onyń birinshisi - temirjol ınfraqurylymyn jańǵyrtýǵa kómektesý. Qazirgi tańda barlyq ónerkásipter úshin jaqsy temirjol ınfraqurylymy qajet»,-dedi F. Deler.
«Alstom» kompanııasy temirjol salasyna tsıfrlyq málimetterdi berý jumystaryna ınvestıtsııa salýǵa daıyn. Óz kezeginde bul shara temirjol salasynyń qaýipsizdigi men senimdiligin nyǵaıta túsedi. Joba «Almaty-1» temirjol vokzalyn qosa alǵanda Qazaqstannyń basty 5 temirjol stantsııalarynda málimetterdi berý júıesin jańartýdan bastalady.
«Ekinshi joba Almatydaǵy jeńilrelsti kólikpen baılanysty»,-dedi spıker.
Onyń sózinshe, birneshe sheteldik seriktesterden turatyn konsortsıým jekelegen ólshemder kelisilgen jaǵdaıda memlekettik-jekshelik seriktestigi aıasynda birlesip qımyldaýǵa daıyn.
Eske sala ketsek, Qazaqstan Prezıdenti Nursultan Nazarbaev Brıýssel qalasyna «Azııa-Eýropa» Forýmynyń (ASEM) 12-shi sammıtine qatysý úshin kelgen bolatyn.
Búgin Belgııadaǵy Koroldik saraıynda Qazaqstan Prezıdenti Belgııa Koroli Fılıppen kezdesti.
Sonymen qatar, QR Prezıdenti Nursultan Nazarbaev Brıýssel qalasynda Eýropanyń isker toptar ókilderimen kezdesti.
