Alpınıster «Astananyń 20 jyldyǵy» shyńyna shyǵady
Astananyń 20-jyldyǵyna arnalǵan is-sharalar aıasynda, «Kazakh Tourism» ulttyq kompanııasy Mádenıet jáne sport mınıstrligi týrızm ındýstrııasy komıteti tapsyrmasy boıynsha Qazaqstannyń 20 shyńyna ekspedıtsııa uıymdastyrdy.
Osy ekspedıtsııany uıymdastyrý barysynda týrıstik, ekstremaldyq sport túrlerin damytýǵa, ekotýrızm jáne trekıng baǵdarlaryn uıymdastyrý úshin áleýeti joǵary 3 óńir tańdalyp alyndy (Almaty, Túrkistan, Shyǵys Qazaqstan oblystary).
Ekspedıtsııa aıasynda osy baǵdarlardyń barlyǵy tyńǵylyqty zertteldi. Ol úshin kásipqoı alpınıster shaqyrylǵan bolatyn. Jalpy alǵanda sharaǵa 100-den astam adam, onyń ishinde kásibı alpınıster jáne tájirıbeli saıahatshylar, tanymal blogerler qatysty. Ekspedıtsııa nátıjesi boıynsha olar osy marshrýttarda ınfraqurylymdy damytý boıynsha óz usynystaryn ázirleıdi.
«Osy ekspedıtsııa Qazaqstannyń 5 negizgi taýly aımaqtaryn - Ortalyq Tıan-Shan, Іle Alataýy, Jońǵar Alataýy, Altaı men Ógem jotasyn qamtydy. Olardyń nátıjesi boıynsha jańa týrıstik jáne alpınıstik baǵdarlar ashylady, al jınaqtalǵan foto- jáne vıdeobank jarnamalaýǵa, jergilikti halyqty ishki týroızm men alpınızmge shaqyrýǵa qoldanylatyn bolady.
Búgingi alpınıada bolsa erekshe bolyp tabylady - óıtkeni alpınıster baǵyndyratyn sońǵy bıiktik «Astananyń 20 jyldyǵy shyńy» dep atalatyn bolady», - dep atap ótti «Kazakh Tourism» UK» AQ Basqarma tóraǵasy Rashıd Kúzembaev.
Joba jetekshisi Arman Hasenov, bul ekspedıtsııa Qazaqstan úshin mańyzdy ekenin aıtyp ótti.
«Joba taýlardyń aralaryn zertteýge, týrıstik áleýetke baǵa berý men ınfraqurylymdy jaqsartýǵa keńes berý jáne jańa Qazaqstan týrıstik ónimin qurýǵa baǵyttalǵan», - dedi Arman Hasenov.
Búgingi tańda Tıan-Shan taýlarynyń Qazaqstan jaǵy aıtarlyqtaı tanymal emes, sondyqtan osy sharanyń maqsaty qazaqstandyqtar men dúnıe júzine elimizde taý týrızmin damytýǵa áleýeti bar ekenin kórsetý. Keleshekte ekspedıtsııa barysynda jınalǵan materıaldar týrıstik baǵdarlamalar men tıisti halyqaralyq gaıbýkterge engiziletin bolady.
Esterińizge salaıyq, ekspedıtsııa Tan-Shan taýlarynyń soltústiginen Nursultan shyńynan bastaldy. Onyń bıiktigi - 4330,9 m. Ekspedıtsııa barysynda qamtylǵan taýlar 3 200 m tómen emes, onyń eń bıigi - Altaı taýlarynda ornalasqan Muztaý shyńy - 4506 m. Batys Tıan-Shandaǵy jańa «Astananyń 20-jyldyǵy» ataýyn alatyn shyń ekspedıtsııa qamtyǵan sońǵy taý shyńy bolady.
Astananyń 20-jyldyǵyna arnalǵan «El júregi - Astana» is-sharalary tek Astanada emes, basqa da aımaqtarda joǵary deńgeıde uıymdastyrylyp jatyr. Sharalar Qazaqstannyń jetistikterin kórsetýge jáne qazirgi zamanǵa laıyqty jáne qaýipsiz qala, tarıhı-mádenı, ǵylymı, elimizdiń iskerlik ortalyǵy retindegi ımıdjin ilgeri jyljytýǵa baǵyttalǵan.
