Alpınıster 7-Qysqy Azııa oıyndaryna tamasha tartý jasady
ATY. 29 qańtar. QazAqparat /Erlik Erjanuly/ - Qazaqstandyq alpınıster 20 qańtar kúni saǵat 14:00-de teńiz deńgeıinen 7010 metr bıiktikte ornalasqan Han Táńiri shyńyna kóterilip, Qazaqstannyń týy men 7-Qysqy Azııa oıyndarynyń jalaýyn jebiretken edi.
Búgin Almatyda ótken baspasóz máslıhaty kezinde 7-Qysqy Azııa oıyndaryn uıymdastyrý komıtetiniń vıtse-prezıdenti Evgenıı Nıkıtınskıı bul sharaǵa "qysqy sport túrlerin damytý men nasıhattaýda tarıhta qalatyn mańyzy zor úlken oqıǵa" dep baǵa berdi.
«Tabıǵat» ekologııalyq odaǵynyń tóraǵasy Mels Eleýsizovtyń sózine qaraǵanda, bul shara Táýelsizdiktiń 20 jyldyǵyna arnaldy. Ony alpınıster Qazaqstanda tuńǵysh ret ótip otyrǵan qysqy Azııa oıyndaryna qatysýshy ulttyq quramany qoldaýǵa baǵyttap otyr. Bul ekspedıtsııaǵa 15 alpınıst qatysyp, Han Táńiri shyńyna olar 8-20 qańtar kúnderi Qyrǵyz Respýblıkasynyń aýmaǵy arqyly kóterildi. Alaıda olardyń arasynan shyńǵa Qazaqstannyńt týy men 7-Qysqy Azııa oıyndarynyń jalaýyn jebiretý baqytyna Aleksandr Safrygın, Vasılıı Pıvtsov jáne Ildar Ǵabbasov qana ıe bolǵan.
E.Nıkıtınskııdiń pikirinshe, bul sapar qysqy sport túrlerin nasıhattaý men damytýda tarıhta qalatyn erekshe shara. Aýa-raıynyń qolaısyzdyǵyna qaramastan, zor tabandylyq pen qajymas qaırat tanytqan alpınıste dittegen maqsatyna qol jetkizdi. Bul ulttyq qurama úshin úlken syılyq boldy.
