Alpidegi A320 ushaǵy apatynan qurban bolǵandardyń barlyǵy anyqtaldy
ASTANA. QazAqparat - Tergeýshiler frantsýz Alpilerinde Germanwings áýe kompanııasynyń A320 ushaǵynyń apatynan qaza tapqan 150 adamnyń barlyǵynyń kimder ekenin anyqtady, dep habarlady Bı-bı-sı.
«Frans press» agenttigi habarlaǵandaı, bul úrdis bir jarym aıǵa sozyldy. Óıtkeni kóz jumǵandardyń keıbireýlerin DNK analızi arqyly ǵana anyqtaý múmkin boldy.
Endi tergeý ushaq jolaýshylary men ekıpaj músheleriniń ólimi týraly kýálikti resmı túrde resimdep, týystaryna máıitterdi jerleýge ruqsat bere alady. Esterińizge sala keteıik, Germanwings nemis áýe kompanııasynyń A320 ushaǵy frantsýz Alpilerinde naýryzdyń sońynda apatqa ushyraǵan.
