Alpide reseı týrısteri mingen qarda júretin kólik apatqa ushyrady
ASTANA. 5 qańtar. QazAqparat - Italıandyq Alpide reseılik týrıster toby qaza boldy. Olardyń qarda júretin kóligi 100 metr bıiktikten qulap ketti, dep habarlady RBK.
Qolda bar málimetterge kóz júgirtsek, oryn alǵan oqıǵanyń saldarynan Italııanyń soltústik-shyǵysyndaǵy Trento eldi mekeninde 6 adam qaza boldy, 2-ýi áli aýyr halde. Olar áskerı ushaqpen Santa Kıar aýrýhanasyna jetkizildi, dárigerler týrısterdiń ómirlerine arasha túsýge tyrysýda.
Jergilikti BAQ habarlaǵandaı, qaza bolǵandardyń ishinde 4 er adam men 2 áıel bar. Olardyń esimderi anyqtalýda.
Apat qandaı sebepterge baılanysty oryn alǵany ázirge belgisiz. Qarda júretin kólikti reseılik azamat basqarǵany málim. Ol basqarý tetigine ıe bola almady degen boljam jasalýda, kýágerlerdiń aıtýynsha qarda júretin kólik qorshaýdan shyǵyp ketip, jyraǵa aýdarylyp ketken.
