Alpi taýynda qar kóship, oqıǵa saldarynan 7 adam opat boldy
ASTANA. Jeltoqsannyń 28-i. QazAqparat - Ótken demalys kúni ıtalıandyq Alpi taýynda qar kóshkini oryn alyp, oqıǵa saldarynan jeti adam opat boldy.
Olardyń ekeýi - týrıster, tórteýi - qutqarýshylar. Opat bolǵandardyń ishinde bir bala bar, dep habarlaıdy ANSA jáne AFP agenttikteri.
Birinshi oqıǵa Italııanyń soltústik-shyǵysynda, Trentıno-Alto-Adıdje aýdanynda oryn aldy, dep habarlaıdy «RIA «Novostı» agenttigi. Senbi kúni onda eki ıtalıandyq týrıst pen olardy izdeýge attanǵan tórt qutqarýshy qaza tapty. Olardyń deneleri jeksenbi kúni tańerteń tabyldy.
Sol mańda, taǵy bir qar kóshkininiń saldarynan taýdaǵy kýrortqa aǵasy alyp kelgen 12 jasar nemis balasy qaıtys boldy.
Qalyń jaýǵan qar men temperatýranyń kóterilýi saldarynan Alpi taýlarynda qar kóshkini qaýpi kúsheıip otyr. Jergilikti ókimet besbaldyq baǵam boıynsha aımaqta tórtinshi deńgeıdegi qaýip-qater jarııalap otyr.
