Alpi taýynan Birinshi dúnıejúzilik soǵysta qaza bolǵan 80 jaýyngerdiń máıiti tabyldy
ASTANA. QazAqparat - Japonııanyń GIZOMODO saıtynyń habarlaýynsha, Italııanyń Alpi taýyndaǵy muz erigen kezde, taý bókterinen Birinshi dúnıejúzilik soǵysta aýyr jaraqattan qaza tapqan 80-ge jýyq jaýyngerdiń múrdesi tabyldy.
1918 jyly 3 qyrkúıekte Italııadaǵy bıiktigi 3600 metr Alpi taýynda Italııa men Avstrııa arasyndaǵy soǵys bastalyp, sońynda avstrııalyq ásker jeńiske jetken bolatyn. Sol kezde qaza tapqan áskerılerdiń bir bóligi qardyń astynda kómilip qala bergen.
Bir ǵasyrǵa tarta ýaqyt ótken soń, taýdaǵy muz erip, sol kezde atalǵan máıitter tabylǵan. Sondaı-aq keıbir múrdelerdiń qasyndaǵy zattardyń arasynan ashylmaǵan hattar da tabylǵan eken.
«Marqumdardyń deneleri saý kúıinde saqtalǵan. Olarǵa DNQ saraptamasyn jasaýǵa bolady. Soǵan qaramastan, qaza tapqandardyń naqty kim ekendigin anyqtaý áli de qıyn bolyp otyr» delingen japondyq saıt taratqan habarlamada.
