Alpi kýrorttardyń joǵalatyn merzimi ataldy
ASTANA. QazAqparat - Eýropalyq ǵalymdardyń boljaýynsha, 2100 jyly Alpi taýlaryndaǵy qazirgi qar jabynynyń 70 paıyzy joǵalady, dep jazdy Lenta.rý.
Jahandyq jylynýdyń qazirgi qarqynymen ǵalymdardyń boljamy shyndyqqa janasady. Bul jaǵdaıda ǵasyr sońyna qaraı, teńiz deńgeıinen 2,5 myń metrden tómen aýmaqtardaǵy qar jabyny joǵalady. Shańǵy tebý maýsymy bir aıǵa deıin qysqarady jáne úsh myń metrge deıingi bıiktiktegi qar jabyny 40 paıyzǵa azaıady.
Avtorlar jahandyq jylynýdan eń aldymen teńiz deńgeıinen 1,2 myń metr tómen ornalasqan taý-shańǵy bazalarynyń zardap shegetinin atap ótti. Bul aýmaqtarda Alpi nysandarynyń shamamen tórtten bir bóligi ornalasqan.
