«Alnaır Kepıtal Holdıng» AQ-y Qazkommertsbanktiń 28,5 paıyz jaı aktsııalaryn satyp aldy
ALMATY. Qańtardyń 15-i. QazAqparat - Qazkommertsbank «Alnaır Kepıtal Holdıng» AQ-nan («Alnaır») banktiń qosymsha aktsııalaryn salyp alý úderisi aıaqtalǵany týraly resmı habarlama alǵanyn málimdedi,
dep habarlaıdy QazAqparat.
Endi Alnaırge «Qazkommertsbank» AQ-nyń 28,565 paıyz jaı aktsııasy tıesili. Sondaı-aq eki jaqtyń kelisimi boıynsha Alnaır banktiń 6,448 paıyz jaı aktsııasy týraly Alnaır men «Samuryq-Qazyna» ulttyq ál-aýqat qory» arasyndaǵy bank aktsııalaryn senimdi basqarý týraly kelisimniń kúshi joıyldy. Qazirgi tańda Alnaır Qazkommertsbanktiń 222 408 342 jaı aktsııasyna ıelik etedi. Bul banktiń ornalastyrylǵan jaı aktsııalarynyń 28,565 paıyzyn quraıdy.
Jasalǵan mámile banktiń ózge iri aktsıonerleriniń - Nurjan Subhanberdın men «Ortalyqazııalyq ınvestıtsııalyq kompanııa» AQ-y, Eýropanyń qaıta qurý jáne damý banki, «Samuryq-Qazyna» UÁQ» AQ-nyń úlesine áser etken joq.
