Almıra Tursyn Mrs. Globe baıqaýynda birinshi vıtse-mıssıs atandy

ASTANA. QazAqparat - AQSh-tyń Kalıfornııa shtatynda turmystaǵy kelinshekter arasynda ótken Mrs. Globe baıqaýynda qazaqstandyq aktrısa Almıra Tursyn birinshi vıtse-mıssıs boldy, dep habarlaıdy QazAqparat.

Baıqaý uıymdastyrýshylarynyń aıtýynsha, birinshi vıtse-mıssıs dárejesi ekinshi orynǵa teń.

Al birinshi oryn, ıaǵnı Mrs. Globe ataǵy belarýs qyzy Lana Hlýmakovaǵa buıyrdy.

«Qyzdarymyzdy Mrs. Globe 2023 jeńimpazy atanýymen quttyqtaımyz. Búkil qyzdar úzdik bestikke enip, patshaıym ataǵyn, sondaı-aq Globe fırmalyq táji men lentasyn aldy. Qyzdar ózderiniń beınesimen, harızmasymen jáne syrtqy kelbetimen baıqaý qatysýshylarynyń jáne qonaqtarynyń nazaryn aýdardy. Bizdiń qyzdar - sulýlyq pen izettiń naǵyz úlgisi» dep jazdy konkýrstyń qazaqstandyq uıymdastyrýshylary.

Aıta keteıik, Almıra Tursyn ótken jyldyń kúzinde Mrs. Globe Kazakhstan ataǵyn ıelenip, Kalıfornııada ótetin sulýlyq baıqaýynyń álemdik fınalyna joldama alǵan edi.

Bul konkýrs 1996 jyldan beri uıymdastyrylyp keledi.