Ál-Kýveıt qalasynda tutandyrylatyn 7-shi Qysqy Azııa oıyndarynyń fakelin veloshabandoz A.Vınokýrov pen hokkeıshi T. Jaılaýov qabyldaıdy
ASTANA. Qyrkúıektiń 3-i. QazAqparat /Gúlmıra Álıakparova/ - 2011 jylǵy qańtardyń 11-kúni Ál-Kýveıt qalasynda tutandyrylatyn 7-shi Qysqy Azııa oıyndarynyń fakelin Qazaqstan tarapynan saltanatty túrde veloshabandoz Aleksandr Vınokýrov pen hokkeıshi Talǵat Jaılaýov qabyldaıdy. Bul týraly QazAqparat tilshisine bergen suhbatynda Azııa oıyndary Alaý estafetasynyń dırektsııasy basshysynyń orynbasary Sársen Quranbek málim etti.
S.Quranbektiń aıtýynsha, A.Vınokýrov pen T.Jaılaýovty Azıada oıyndarynyń Alaý estafetasyna bastaý beretin alǵashqy alaýgerleri etý týraly tıisti usynys hattar Qazaqstanvelosport federatsııasynyńprezıdenti, "Samuryq-Qazyna" UÁQ-nyń Basqarmatóraǵasy Qaırat Kelimbetov pen Qazaqstannyń shaıbaly hokkeı federatsııasynyń prezıdenti, «Qazaqstan temir joly» UK» AQ-nyń tóraǵasy Asqar Mámınge joldandy.
Qazaqstannyń betke ustar sportshylary, 2011 jylǵy qańtardyń 11-i kúni Azııa Olımpıadalyq keńesiniń (AOK) shtab-páteri ornalasqan Ál-Kýáıt qalasynda AOK prezıdenti Sheıh Ahmad Ál-Fahd Ál Sabah tutandyratyn 7-shi Qysqy Azııa oıyndarynyń qutysyn saltanatty túrde qabyldap alatyn bolady. Budan keıin, qańtardyń 12-si kúni quty Qazaqstanǵa jetkizilip, aımaqtarda 20 kún boıy Alaý estafetasy ótkiziletin bolady. Estafeta qańtardyń 30-y kúni Astanadaǵy «Astana-Arena» stadıonynda ótetin Oıyndardyń saltanatty ashylýy barysynda márege jetedi.
«Ústimizdegi jylǵy qyrkúıektiń 14-15-i kúnderi Oıyndardy uıymdastyrý komıtetiniń ókilderi Ál-Kýáıt qalasyna is-saparmen baryp, atalmysh máseleler boıynsha kelisimder júrgizedi», - dep atap ótti S.Quranbek.
